Med jamne mellomrom får eg behov for å bore i fjell. Akkurat no må eg bore nokre gode hol for forankring av pilarane under eit nytt naust (10stk hol, 40cm 28mm+) samt få vekk noko fjell som ligg i grøfta der eg må legge vasslangen (50cm fjell i lengderetning som må kilast ut i grøftebreidde). Og så skulle eg hatt vekk ein liten sak som stikk ut i ein gamal stølsveg som eg vil nytte til traktorveg.

Maskina som freistar mest er AEG PN 11 E. Virkar som dette er ei maskin som med sine 20J slagenergi slår brukbart frå seg og kan klare hol på 30mm+ på ok tid. Skal også gå greit å nytte ho på aggregat. Andre merkemaskiner (Makita, Bosch, Dewalt++) eg har sett på som har 10J+ slagenergi kjem fort på rundt samme pris, og opp mot 20J vert dei vel ein del dyrare.

Samstundes slit eg litt med å forsvare å blåse av 12000-14000 på maskin og utstyr når eg ikkje nyttar det oftare enn eg gjer. Leige av maskin kunne vore eit alternativ, men er godt over ein time køyretid til næraste utleigepunkt så vert dyrt og tek mykje tid om ein skal leige nokre gongar.

Vil "Borhammer Fjellbormaskin" kanskje vere eit betre alternativ? Mykje lågare pris, men sikkert kinamaskin som neppe har tilsvarande kvalitet som AEG-maskina. Fordelen er at eg kunne kjøpt borekruner frå forbruksimport. Har forstått det slik at desse er nokre hakk betre i fjell enn standard bor med eitt skjær (?).

Kva er folks haldningar til desse produkta til mitt bruk? Eventuelt andre anbefalingar som gjer meir maskin for pengane?

Har lest ein del trådar her på forumet om fjellboring, men slit med å konkludere og velje. Er drittlei Jula-maskina til min far som ikkje er egna til jobbane, men som er det som har blitt nytta til no.Samstundes ynskjer eg ikkje å blåse av meir pengar enn nødvendig..