Vi har akkurat kjøpt oss ein tomannsbustad som er under bygging, og i den samanheng planlegg vi kva løysing vi skal velje for golva. Bustaden har stove/kjøkken (ca 55 m2), 1 soverom, gang og bad i 1. etasje, og 2 soverom (à ca 15 m2), loftstove (ca 25 m2) og bad i 2. etasje.

I 1. etasje blir plata støypt på 25 cm isolasjon, slik at golvet skal leggast rett på betong. Vi har planar om å legge Alloc laminat (truleg av type Original) pga slitestyrken til laminat vs parkett (har dårleg erfaring med sistnemnde).
Vi vurderar å legge rimelegare golv, for eksempel Alloc Domestic eller Home på soverom for å få ned kostnadane, men har fått tips om at kanskje dette ikkje er godt nok.

I 2. etasje er det isolert bjelkelag og undergolv av sponplater.

Vi er litt redde for at dette blir for golvkaldt, og har sjekka litt rundt golvvarme. Fleire andre på same type bustad har lagt både kablar og vassboren-varme, men sistnemnde er ikkje aktuelt då plata er støypt.
Det er først og fremst på stove/kjøkken og på barnesoverommet i 2. etg vi vurderar dette. Har forsøkt å rekne ut pris på ulike alternativ, men har berre prisen på sjølve materialet. Har ikkje fått sjekka med elektrikar enno. Pris er i høgste grad eit tema, og ser difor på flexwatt som eit godt alternativ. Er det andre leverandørar som bør vurderast i same prissegmentet? Kva kan ein forvente dette kjem på pr m2?

Av anna oppvarming er ikkje noko anna bestemt enno, anna enn at det blir varmekablar i dei flislagde golva og ein vedomn på stove/kjøkken. Vi ønskjer nattsenking på golva for å spare straum.