Dette blir kjekt å følge, ariens! Pøs på med bilder underveis.

Bilde skal bli.

Då er skippertaket unnagjort, å rive skjellsandmuren. 15 cm mur på innsida av yttermuren. Tek mykje plass når kjellaren skal utnyttast. Opprinneleg tenkte eg berre å skifte kjøkkeninnredninga, men så blei det altfor fristande å fjerne denne muren. Nå er han borte, alt er rydda og 1 av 2 lass med avfall er komme på fyllinga. Resten kjem dit i morgon.

Gode venner når mur skal rivast. Begge frå Biltema, denne gongen brukte eg berre den minste. Eg la dei gamle veggplatene utover golvet for å beskytte belegget.


Dekke over så ikkje støvet kjem overalt


Best kontroll ved å begynne på toppen.


Herifrå kunne eg også bruke slegga.


Alt er komme ned. Mange blokker kom i eitt stykke, men det blir alltid grus også.

Kjekt med støvsugar. Og sidan det berre var stein og sand kunne eg tømme posen i ei bøtte etterpå.

Som sagt var dette skippertaket. Resten er stort sett kosearbeid. Avløpsrøret til høgre kjem frå kjøkkenet vårt. Her skal eg sette på ei stakeluke og ei luke i den nye veggen. Så kjem eg til utan å rive noko. Bør stakeluka vere oppe ved taket eller nede ved golvet?

Så skal eg legge vindsperre og bygge ein vegg av 48*98 med sponplater på.

Endeleg i gang igjen. Har kjøpt inn materiale til ny vegg, sett på ei grein for å kunne stake avløpet, og meisla og avretta golvet som før var inne i veggen.

Fann ikkje 50 mm stakeluke, så eg måtte bruke eit grenrør med plugg/ters.


Må legge nytt golvbelegg utmed veggen, men håpar eg skal sleppe å legge nytt i heile rommet.

Det har gått langsommare enn eg trudde (det skjer stadig vekk), men nå har eg ialle fall bygt opp att veggen. Først vindsperre, så stenderverk. Rommet blir ca 11 cm lenger. Det er ikkje all verda, men innredninga blir ikkje så samanpressa som før.



Eg plar ta bilde av staven og merke av kor ledningane går. Lett å gløyme når platene er komne på. Elektrikar var her og gjorde sitt.


Glava og plast er på plass. Neste punkt er å legge plater og gjere ferdig inne i kroken.

Gøy at du er i gang igjen, ariens

Tusen takk sjef

Det går seint å jobbe med 120 cm veggplater i eit lite rom, men eg har nå fått kledd veggen i dag. Overgangar mellom nytt og gammalt er alltid ekstra plundrete, så her og der er nok brukt ekstra mykje fugeskum og fugemasse. Men eg har fått vindsperra overalt på kaldsida og 10 cm glava. I dag tidleg då eg kom ned var det ekstra varmt i rommet etter at glavaen var lagt i går.

Kjekt med luftverkty


Avløpsrøret frå vårt kjøkken er sikra og blir tilgjengeleg for inspeksjon. Siste plata skal eg feste med skruar.


Rot og støv. Eg har brukt støvmaske omtrent heile dagen.


Eg hadde lyst å fore og liste rundt vinduet, men dagen var lang nok. Trur eg kan bruke dei gamle foringane, men kjøpte nye lister. Ved foringa er rommet ca 13 cm lenger, ved kjøkkenbenken ca 11 cm. Den gamle muren kan ikkje har vore heilt rett.


Restar av plate fiksar himlingen, eg skjuler overgangen med ei smal list. I hjørnet bak komfyr og ventilator er det mykje svart Tec-7

Ja, ser ut som du har klint på godt med guffe i hjørnet!

Dagens jobb var å fore og liste rundt vinduet. Dykksaga er heilt suveren når eg skal tilpasse foringane. Då eg begynte som hobbysnekkar, kunne det ta ein liten dag å fore og liste rundt eit vindu. Den gong hadde eg berre handverkty. Med dykksag, kapp- og gjærsag og gjerne ei bordsirkelsag er det ein leik.

Så har eg rydda, vaska ut det meste av støvet og kjørt eit lass på fyllinga.

Neste punkt er å gjere ferdig golvet og male. Eg må vente på golvleggaren, og får ikkje gjort så mykje før han er ferdig.
Eg vurderer å legge flis mellom benk og overskap. Eller finst det plater som er lettvint å skru opp? Dei skal også stå i hjørnet bak komfyren.


,,,