Er det nokon som kan forklara meg korleis dette skal gjerast. Eg er heilt grøn på dette området, men må få planlagt røyrføringa. Alt eg forstår er at det er vatn inn og fordeling ut. 

1) Eit 2x8 skap har jo 8 gjennomføringar i topp og 8 i botn. Så til saman 16 røyr ut. Sjølve fordelarstokken er jo ein kald og ein varm. Er dette skapet då tilpassa 8 kalde og 8 varme? Ein kan då ikkje bruka dette skapet til 9 kalde og 7 varme? Skapet har då plass til ein stokk med 8 for kaldt og 8 for varmt? 

2) hovudstoppekran og vassmålar. Er det greiast å plassera dette i skapet? Er det plass til dette i sjølve skapet? 

3) skapa har i tillegg til dei 8 uttaka i topp og botn opning for kaldt og varmt vatn inn. Det ser ut som kaldt i botn og varmt på toppen. Den er jo grei. Men ein må jo ha kaldt vatn inn til vvberedar og. Er det då vanleg å nytta eine fordelaren på kaldtvatnstokken til vvberedar, eller er det eige inntak for dette og? 

4) 1 eller 2 skap? Fordelar eller ulemper med løysingane? 

5) Finst det enkle skisser/bilete for standard kopling av mange kursar i eit skap? Eg har ikkje funne noko.

6) Må ein bruka fordelarskap frå same produsent som røyra?

7) plassering av fordelarskap på bad. Eg må kanskje plassera eit skap på eit lite bad. Er det ein god måte å plassera dette lite synleg? 

Eg treng 9 røyr for kaldt og 6 røyr for varmt vatn til saman. Det vert Sanipex. Eg skal leggja ein del av røyra under sålen, og lurer derfor på korleis eg kan gjera det. 

I tillegg skal eg ha til saman 13 - 14 kursar for golvvarme, så eg reknar med dette utelukker kombiskap.