Har eit stort flott uteområde med ein bekk som går ned frå eit lite berg (ca 5m fall), og under vegen i eit 400mm rør. Deretter går det rett fram ca 5m, før det går 90 grader og ned mot eit lite tjern.

Frå gamalt av, gjekk bekken i ein steinmur, og nedre delar av denne står endå. Men oppe ved vegen måtte me justere litt sidan vegen stod under vatn kvar vår. Det kan bli ganske godt trykk i heftig regnver, men blir fort tørt igjen.

Tenkte å lage ein natursteinsmur frå røret under vegen, og ned til der den gamle står, men lurte på korleis ein gjer med grunnarbeidet her? Er redd vatnet vil grave ut like etter røret, nesten uansett korleis eg gjer det. Må belage meg på handkraft, så det er begrensa kor store stein eg kan bruke.

Noko som har erfaring eller forslag?

Bilda viser korleis bekken kjem frå røret. På bilde to startar gamal mur om lag ved gjerdet. Dette er største vannføring som har vore til no. Er det tørt og lite nedbør, er det så vidt det pipler somarstid. Kjelda er berre oppsamling frå terrenget over.